شەڕەتەقە لە یانەیەكی شەوانەی ویلایەتی كۆلۆرادۆی ئەمریكا روویدا، پێنج كەس كوژراون و 18ی تر برینداربوون.
رووداوەكە لە شاری كۆلۆرادۆ سپرینگس روویداوە، پۆلیس ئاشكرایكردووە، هێرشەكە بە چەك كراوە و دەستڕێژی گولـلە لەناو یانەیەكی شەوانەدا كراوە، “بەڵام تا ئێستا نازانین جۆری چەكەكە چی بووە”.
پۆلیسی شارەكە زانیاریی زیاتری بڵاونەكردووەتەوە، تەنها ئاماژەی بۆ گرتنەبەری رێكار لە ناوچەی دەوروبەری رووداوەكە كردووە و دەڵێت، “بریندارەكان گواستراونەتەوە بۆ چەند نەخۆشخانەیەك و پۆلیسی فیدراڵی لێكۆڵینەوە لەبارەی هێرشەكەوە دەكات”.
