بەهۆی ڕووداوەكەی گەڕەكی كازیوەی شاری سلێمانی چوار كەس گیانیان لەدەستدا و تاوەكو ئێستا نۆ كەسیش گەیەندراونەتە نەخۆشخانەكان.
لە كۆنگرەیەكی ڕۆژنامەوانیدا د. هەڤاڵ ئەبوبەكر پارێزگاری سلێمانی ڕایگەیاند، بەپێی زانیارییەكان تا وەكو ئێستا چوار كەس گیانیان لەدەستدا و نۆ كەسی دیكەش گەیەندراونەتە نەخۆشخانەكان.
ئاماژەی بۆ ئەوەش كرد، ڕووداوەكە بەهۆی تەقینی تانكی غازی شلەوە بووە و بەپێی دوایین راپۆرتی هێزەكانی ئاسایش و پۆلیس و هیچ پەیوەندییەكی بە هێرش و بۆردومانەوە نەبووە.
راشیگەیاند، بەپێی زانیارییە نافەرمییەكان زیاتر لە 20 كەس لە ڕووداوەكە برینداربوون.
