دابەشكردنی نەوتی سپی لەناو سلێمانی ڕاگیرا

دابەشكردنی نەوتی سپی

بەڕێوبەرایەتی نەوت و كانزاكانی سلێمانی دابەشكردنی نەوتی سپی ڕادەگرێت و لە نوسراوێكیشدا بۆ پارێزگا هۆكارەكەی ڕوندەكاتەوە.

بەڕێوبەرایەتی نەوت و كانزاكانی سلێمانی ئەمڕۆ یەكشەممە 6ی كانونی یەكەم ئاشكرایكرد، ئەمڕۆ نوسراوێكیان ئاراسته‌ى پارێزگاى سلێمانى كرد به‌مه‌به‌ستى هاوكاریكردنى لیژنه‌كانى دابه‌شكردنى نه‌وت بۆ ڕێگریكردن له‌ دیارده‌ى پیكاب و دووته‌نى كه‌ بونه‌ته‌ هۆى ئه‌وه‌ى هاوڵاتیانى گه‌ڕه‌كه‌كان لەكاتى دابه‌شكردنى نه‌وت نه‌توانن به‌شه‌ نه‌وتى خۆیان وه‌ربگرن.

بەڕێوبەرایەتیەكە ئاماژەی بەوەشكرد، لەو پێناوه‌دا دابه‌شكردنى نه‌وت له‌ناو شارى سلێمانى ڕاده‌گرین تا ئه‌وكاته‌ى مه‌فره‌زه‌كانى ئاسایش و پۆلیسى هاتوچۆ هاوكارى تیمه‌كانى دابه‌شكردنى نه‌وت ده‌كه‌ن تاوه‌كو هاوڵاتیان بتوانن به‌ سانایى به‌شه‌ نه‌وتى خۆیان وه‌ربگرن و ئه‌م دیارده‌یه‌ش بنبڕبكرێت.

دابەشكردنی نەوتی سپی، كە یەك بەرمیلە بۆ هەر خێزانێك، گەیشتووەتە مەڵبەندی سێ بەمەش نازانرێت دابەشكردن لە ئەودوای مەڵبەندەكانی ناوشاردا لە چ كاتێكدا دەبێت، لەكاتێكدا وەرزی زستان نزیكدەبێتەوە.

بەڕێوبەرایەتی نەوت و كانزاكان ئاشكراشیكردووە، ڕۆژی سێشەممە نەوت لەسنوری ناحیەکانی چوارقورنە و تانجەرۆ (عەربەت) دابەشدەکرێت.

دەقی نوسراوەكە:

بابەتی پێشتر

ئەمریکا: پابەندین بە پتەوترکردنی هاوبه‌شیمان لەگەڵ عێراق

بابەتی دواتر

میسر.. دوو هاوسەر لە مانگی هەنگوینیدا بەشێوەیەكی نامۆ خۆیان كوشت

بابەتی پەیوەندیدار
Total
0
Share