تەرمی كۆچبەرە قوربانییەكانی مانش گەڕێندرانەوە و بەخاكدەسپێردرێن

بەرەبەیانی ئەمڕۆ تەرمی 16 كۆچبەری كورد، كە لە کەناڵی مانش گیانیانلەدەستدا، ‏گەیشتنەوە هەرێمی كوردستان و ئەمڕۆ لە ناوچە جیاجیاكان بەخاكدەسپێردرێن.‏

ئەو کۆچبەرانە لە ڕووداوی نوقمبوونی بەلەمەکەیان لە ڕێکەوتی 27ی تشرینی دووەم لە ‏کەناڵی مانشی نێوان فەرەنسا و بەریتانیا خنکان، دوای ناردنی نمونەی خێزان و ‏کەسوکارەکانیان لە هەرێمی کوردستانەوە، بەپشکنینی (‏DNA‏) ناسنامەکانیان ‏یەکلاییکرانەوە.‏

بەرەبەیانی ئەمڕۆ تەرمی 16 كۆچبەری كوردی نێو بەلەمەكە لەڕێی فڕۆكەخانەی ‏نێودەوڵەتیی هەولێرەوە گەیشتنەوە هەرێمی كوردستان و لەلایەن كەسوكاریانەوە ‏وەرگیرانەوە.‏

قوربانییەكان كە خەڵكی ناوچەكانی (دەربەندیخان، ڕاپەڕین، سۆران، زاخۆ و هەولێر) ‏بوون، بڕیارە ئەمڕۆ لە ناوچەكانیان بەخاكبسپێردرێن.‏

بەپێی ڕاگەیەندراوێكی پێشووی حكومەتی هەرێم تەرمی كۆچبەران بڕیاربوو ڕۆژی ‏هەینی 24ی ئەم مانگە بگاتەوە هەرێم، بەڵام وادەی گەڕاندنەوەكەیان بەهۆی دۆخی ‏كەشوهەوا و هۆكاری تەكنیكی دواخرا.‏

هەر ئەمڕۆ تەرمی (سێبور سلێمانی) گەیشتەوە ئیدارەی ڕاپەڕین، كە لە ماوەی ڕابردوودا ‏لە بەریتانیا لە ڕووداوێكدا و لەلایەن شەش كەسەوە كوژرا.‏

بابەتی پێشتر

لەبارەی شوێنی مانەوەی "حەمە گیان"ەوە ڕوونکردنەوە دەدرێت

بابەتی دواتر

لە دەیەی داهاتوودا داهاتی نەوتی عێراق هەڕەشەی لەسەرە

بابەتی پەیوەندیدار
Total
0
Share