ئاسایشی ئاكرێ ڕوونكردنەوەیەكی لەبارەی كوژرانی ئەفسەرەكەی وەزارەتی پێشمەرگە بڵاوكردەوە

بەڕێوەبەرایەتیی گشتیی ئاسایشی ئاكرێ ڕەتیدەكاتەوە تۆمەتباری سەرەكیی كوژرانی عەقید سابیر ئاكرەیی ئەفسەر لە مەشق و ڕاهێنانی وەزارەتی پێشمەرگە چەك، ئۆتۆمبێل و كەلوپەلی ئاسایشی بەكارهێنابێت.

بەپێی ڕاگەیەندراوێكی بەڕێوەبەرایەتیی گشتیی ئاسایشی ئاكرێ كە وێنەیەكی دەست تۆڕی میدیایی ئێستا كەوتووە و تێیدا هاتووە، “لە چەند ڕۆژی ڕابردوودا برا گەورەی خوالێخوشبوو عەقید سابیر ئاكرەیی لە كۆنفڕانسێكی ڕۆژنامەوانیدا ئاماژەی بەوەداوە ئەو تاوانبارەی براكەیانی كوشتووە چەك، ئۆتۆمبێل و كەلوپەلی ئاسایشی ئاكرێی بەكارهێناوە هەر بۆیە ئێمە سەرلەبەری ئەو دەنگۆیانە‌ ڕەتدەكەینەوە و هەموو لایەكیش دڵنیا دەكەینەوە ئەو هەواڵە دوورە لە ڕاستییەوە”.

لە ڕاگەیەندراوەكەدا هاتووە، “ئەو چەك، ئۆتۆمبێل و كەلوپەلانەی تاوانبارەكە بەكاریهێناون بۆ كوشتنی عەقید سابیر ئاكرەیی موڵكی تایبەتی خۆی بوون، نەك ئاسایشی ئاكرێ و تاوانبارەكە بەر لە دەركردنی بڕیاری وەزارەتی ناوخۆ سەبارەت بە قەدەغەكردنی فرۆشتنی چەكی بێمۆڵەت، چەكەكەی ‌دەستخستووە”.

بابەتی پێشتر

لیژنەی بەناوكردنی خانووە زیادەڕۆییەكان كۆتایی بە وەرگرتنی داواكاریی هاوڵاتییان هێنا

بابەتی دواتر

(ڤیدیۆ) بایرن لەم وەرزەدا یەکەم دۆڕاندنی تۆمارکرد

بابەتی پەیوەندیدار
Total
0
Share