بەڕێوەبەرایەتیی بەرگریی شارستانیی بەغداد ڕایگەیاند، جارێکی دیکە ئاگر لە فڕۆکەخانەی بەغداد کەوتووەتەوە و ئاگرەکە هۆڵی نەینەوای لە ناو فڕۆکەخانەکەدا گرتووەتەوە.
لە راگەیەندراوێکدا بەرگریی شارستانیی بەغداد ئاشکرایکرد، ئاگرەکە بەیانیی ئەمڕۆ کەوتووەتەوە، تیمەکانی بەرگریی شارستانی کە ژمارەیان 15 تیمە ئاگرەکەیان کۆنترۆڵکردووە.
تیمەکانی بەرگریی شارستانی ئاگری هۆڵی ڤی ئای پی و شوێنی گەشتیارانیان کوژاندووەتەوە.
لە ڕاگەیەندراوی بەرگریی شارستانیی بەغداددا هاتووە، “داوادەکەین لێکۆڵینەوە لە هۆکاری ئاگرەکە بکرێت کە ئەوە دووەم جارە لەم هەفتەیەدا دووبارە ببێتەوە”.
