دەکرێت ئامێری ئوتووکردنی جلەکانت بۆ چەند کارێکی دیکە بەکاربهێنیت، لەوانە شتنی فەرش و ڕاخەرەکانی ماڵەکەت یان سڕینەوە و پاککردنەوەت کاشییەکانی ماڵەوە.
ئوتووی جلوبەرگ دەتوانرێت لە پاککردنەوەی بەشێک لە کەرەستەی ماڵەوە بەکاربهێنرێت:
یەکەم: لابردنی چەوری
دەتوانرێت ئووتو بەکاربهێنرێت بۆ پاککردنەوە و لابردنی چەوریی ناو فڕنەکەت، کاتێک ئەو هەڵمەی لە فڕنەکەوە دەردەچێت ڕاستەوخۆ بەر چەورییەکە دەکەوێت ڕێگەیەکی ئاسانە بۆ پاککردنەوەی.
دووەم: نەهێشتن و لەناوبردنی بەکتریا و میکرۆبەکان
دەتوانرێت بە هەڵمی ئوتووەکە لە ناو گەرماو و چێشتخانەکەتدا میکرۆب و بەکتریاکان لەناوببەیت، زانیارییەکان دەریدەخەن 99.9%ی لەناودەبات، بەبێ ئەوەی پێویست بە پاکژکەرەوەکان بکات.
سێیەم: پاککردنەوەی نێوان کاشییەکانی
بۆ پاککردنەوەی چەوری و چڵکی نێوان کاشییەکانی چێشتخانە و گەرماوەکەت هەڵمی ئوتووی جلەکانت باشترین و سەلامەتترین ڕێگەیە.
چوارەم : لێکردنەوەی سەهۆڵی ناو بەفرگرەکەت
کاتێک دەتەوێت بە خێرایی سەهۆڵە کۆبووەوەکانی ناو بەفرگرەکەت لێبکەیتەوە، بە وریاییەوە پشت بە هەڵمی ئوتووەکەت ببەستە.
پێنجەم: پاککردنەوەی دووشی گەرماو
دوای ماوەیەک دووشی گەرماو کلس و پیسیی لەسەر کۆدەبێتەوە، ئوتووەکەت بەکاربهێنە بۆ پاککردنەوەی.
شەشەم: پۆڵیشکردن و پاککردنەوەی دەرگا و پەنجەرەی ماڵەوە
بۆ پاککردنەوە و رەونەقدان بە دەرگا و پەنجەرەکانی ماڵەوە هەڵمی ئوتووی جلەکانت بەکاربهێنە.
