سەرۆکایەتیی شارەوانیی سلێمانی، بەڵێندەران و کۆمپانیاکان ئاگاداردەکاتەوە کە چەند پڕۆژەیەکی خزمەتگوزاریی ئاو و ئاوەڕۆ جێبەجێدەكرێن و باسی مەرجەكان دەكات.
لە ئاگادارینامەیەكدا كە وێنەیەكی دەست تۆڕی میدیایی ئێستا كەوتووە، سەرۆکایەتیی شارەوانیی سلێمانی ئاماژەی بۆ ئەوە كردووە كە ئەو پڕۆژە خزمەتگوزارییانە پڕۆژەی شارەوانین و سەرجەم کارەکانیان لە لایەن شارەوانییەوە ئامادەکراون، بەڵام بەو پێیەی لەسەر بودجەی گەشەپێدانی ھەرێمەکانن، بەڵێندەران جێبەجێیاندەكەن.
شارەوانیی سلێمانی دەڵێت، “پڕۆژەكان بۆ سێیەم جار و کۆتایی لە پارێزگای سلێمانی بانگەوازیان بۆ دەکرێت، بۆ ئەو مەبەستەش ھەر کۆمپانیا و بەڵێندەرێک مەرجەکانی بانگەوازەکەی تیادایە، سەردانی پارێزگای سلێمانی/ ھۆبەی تەندەرین/ نھۆمی زەمینی بکات بۆ وەرگرتنی تەندەر”.
لە ئاگادارینامەكەدا سەرۆکایەتیی شارەوانیی سلێمانی ئاشكرایكردووە، بەڵێندەران و كۆمپانیاكان دەتوانن بۆ وەرگرتنی زانیاری لەبارەی پڕۆژەکانەوە، سەردانی سەرۆکایەتیی شارەوانیی سلێمانی بکەن.
