دوای ئەوەی دوێنێ گەنجێکی دانیشتووی شاری کەلار دیارنەما و دەنگۆی رفاندنی بڵاوبوەوە، ئەمڕۆ بە برینداری لە شاری کەرکوک دۆزرایەوە.
پەیامنێری تۆڕی میدیایی ئێستا گواستییەوە، “هاوڵاتی کاروان محەمەد ئەمین، دانیشتووی شاری کەلار لە دواینیوەڕۆی دوێنێ دووشەممە لە ماڵەکەی خۆیان دەرچووە و بە مەبەستی کارکردن نەگەڕاوەتەوە و مۆبایلەکەشی داخرابوو”.
ئاماژەی بەوەش کرد، “بەیانی ئەمڕۆ هەواڵی ئەوە بە خێزانەکەی گەیشتووە کە لە شاری کەرکوک رفێندراوە و بە برینداری بەجێهێڵراوە”.
ئاشکراشی کرد، “لە ئێستادا کەسوکارەکەی بەرەو شاری کەرکوک بەڕێکەوتوون بەمەبەستی وەرگرتنەوەی”.
