باڵانبۆ محەمەد، ئەندامی خولی پێشووی پەرلەمانی كوردستان لە فراكسیۆنی یەكێتی لە لێدوانێكدا بە تۆڕی میدیایی ئێستای راگەیاند، یەكێتی بەو ئاڕاستەیە كاردەكات كە حكومەتێك پێكبهێندرێت لە ئاست خواست و داواكاریی هاوڵاتییاندا بێت.
وتیشی، “یەكێتی جەختدەكاتەوە ئەو كەسەی بەرپرسیارێتی لە حكومەتدا وەردەگرێت پێویستە خاوەن بڕیاربێت و خزمەتی هاوڵاتییان بكات نەك تاكڕەویی لە حكومڕانیدا جارێكی دیكە پەیڕەوبكرێت، جگەلەوەش یەكێتی دەیەوێت كۆتایی بەو سیاسەتی كاركردنە بهێنێت كە پێشتر پەیڕەوكراوە و جیاكاری لە نێوان ناوچەكاندا كراوە”.
جەختیكردەوە یەكێتی سوورە لە دامەزراندنی حكومەتێك كە خزمەتی سەرجەم ناوچەكان بكات بەبێ جیاوازی.
