تووشبوون بە کڕێش یەکێکە لە کێشە باوەکان، هەرچەندە مەترسیدارنییە، بەڵام ئەوانەی تووشدەبن بەدوای چارەسەردا دەگەڕێن.
لە دیارترین هۆکارەکانی تووشبوون بە کڕێش، چەوری پێستی سەری کەسەکەیە، یان بەهۆی بەکارهێنانی کرێم و زەیتەکانەوە دروستکردنی کەڕوو، هەروەها هەستیاریی پێست بە شامپۆ و پاکژکەرەوەکان هۆکارێکی دیکەیە، بەدەر لەوانە دەکرێت نەخۆشییەکانی سەدەفی و ئەکزیما هۆکاربن.
ڕێگاکانی ڕزگاربوون لە کرێشی سەر:
یەکەم: ڕۆژانە قژت بە شامپۆ و پاکژکەرەوەی گونجاو بشۆ بەتایبەت شامپۆ پزیشکییەکان.
دووەم: خۆراکی تەندروست بخۆ، خۆراکی تەندروست یارمەتیدەر دەبێت لە وەرگرتنی بڕی تەواو لە زینک و ڤیتامین B کە کاریگەریی ڕاستەوخۆیان هەیە لەسەری.
سێیەم: ئەگەر کێشەی بوونی کڕێشی سەر چارەسەرنەکرا بۆت، پێویستە ڕاوێژ بە پزیشکی پسپۆڕ بکەیت هۆکارەکانی زیادبوونی دەستنیشانبکرێت و چارەسەربکرێت.
