(ڤیدیۆ) ئارسیناڵ، وڵڤه‌ری تێپه‌ڕاند و پێنج خاڵ پێش سیتی که‌وت

ئه‌مشه‌و شه‌ممه‌، یارییه‌کانی هه‌فته‌ی (16)ی خولی نایابی ئینگلیزی ئه‌نجامدران، یانه‌ی ئارسیناڵ له‌ ده‌ره‌وه‌ی یاریگای خۆیدا بردنه‌وه‌ی به‌رامبه‌ر‌ وڵڤه‌رهامپتۆن تۆمارکرد.

وڵڤه‌رهامپتۆن له‌ یاریگای “مۆلینیۆ” میوانداریی ئارسیناڵی یه‌که‌می ڕیزبه‌ندیی پریمه‌رلیگی کرد، یارییه‌که‌ به‌ ئه‌نجامی دوو گۆڵی بێبه‌رامبه‌ر له‌ به‌رژه‌وه‌ندیی یاریزانانی مایکڵ ئارتێتا کۆتاییهات.

گۆڵه‌کانی “گانه‌رز” له‌ خوله‌که‌کانی 55، 75 له‌لایه‌ن مارتن ئۆدیگارده‌وه‌‌‌‌‌‌‌ تۆمارکران.

به‌پێی ئه‌نجامه‌ تۆمارکراوه‌که‌، ئارسیناڵ به‌ کۆکردنه‌وه‌ی 37 خاڵ له‌‌‌ پله‌ی یه‌که‌می ڕیزبه‌ندیی یانه‌کانی پریمه‌رلیگ به‌ جیاوازی پێنج خاڵ به‌رامبه‌ر مانچسته‌ر سیتی جێگیربوو، وڵڤه‌رهامپتۆنی ڕکابه‌ریشی به‌ 10 خاڵه‌وه‌ چووه‌ دوایین پله‌ی ڕیزبه‌ندییه‌که‌ (پله‌ی 20)‌‌.