لیۆنێل سكالۆنی، ڕاهێنەری ئەرجەنتین یاریكردنی مێسی بەشێوەیەكی سەرەكی بۆ یارییەكەی بەرازیل یەكلاكردەوە.
بڕیارە ئەمشەو لە یارییەكانی پاڵاوتنی مۆندیال، ئەرجەنین كاتژمێر 2:30 خولەك میوانداریی بەرازیل بكات.
سكالۆنی ڕاهێنەری ئەرجەنتین رایگەیاند: “مێسی لە ڕووی جەستەییەوە ئامادەیە و بڕیارمانداوە بەشێوەیەكی سەرەكی بەرامبەر بەرازیل بەشداریی پێبكەین”.
وتیشی: “ئامانجی سەرەكیمان پارێزگاریكردنە لە یاریزانەكانمان لە ڕووی جەستەییەوە، بەڵام مێسی هەموو ئازارەكانی ئەژنۆی تێپەڕاندووە”.
بەرازیل بە 34 خاڵ پێشەنگی ڕیزبەندیی هەڵبژاردەكانی ئەمریكای لاتینی گرتووە و سەركەوتنیشی بۆ مۆندیال مسۆگەركردووە، ئەرجەنتینیش 28 خاڵی هەیە و یەك بردنەوەی تر لەو شەش یارییەی ماویەتی، دەیگەیەنێتە مۆندیال.
