لە شارۆچكەیەكی پارێزگای واست تۆمەتبارێك دەستگیركرا كە كاتژمێرێك پێشتر باوك، دایك و داپیرەی كوشتووە.
پۆلیسی پارێزگاكە رایگەیاند، لە رووداوێكدا لە قەزای نوعمانییە گەنجێكی لەدایكبووی ساڵی 1996 باوك، دایك و داپیرەی خۆی كوشتووە.
وتیشی، “پاش كۆكردنەوەی زانیاری، لە ماوەی كاتژمێرێكدا تۆمەتبار دەستگیركرا و ئەو چەكەش تاوانەكەی پێئەنجامداوە دەستی بەسەرداگیرا”.
تۆمەتبار رێوشوێنی یاسایی بەرامبەر گیراوەتەبەر بەپێی ئەحكامی ماددەی 406 كە بریتییە لە كوشتنی بە ئەنقەست، ئاراستەی دادگاش كراوە بۆ ئەوەی رووبەڕووی سزای یاسایی خۆی ببێتەوە.
بەپێی میدیا عێراقییەكان هۆكاری تاوانەكە “تائێستا نەزانراوە”، ئاشكراشیانكرد، تۆمەتبار خوێندكاری دەرمانسازی-یە و لەهەمان كاتدا وانەی ئایینی دەخوێنێت.
