سەرۆكایەتیی شارەوانیی سلێمانی ڕایدەگەیەنێت، قیرتاوكردن و نۆژەنكردنەوەی شەقام و كۆڵانەكان بەردەوامە و قۆناغ بە قۆناغ و بەپێی پلانێك سەرجەم سنوورەكان دەگرێتەوە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، قیرتاوكردن و نۆژەنكردنەوەی شەقام و كۆڵانەكانی سنووری شارەوانیی سلێمانی بەردەوامە و بەپێی پلانێك قۆناغ بە قۆناغ سەرجەم سنوورەكان دەگرێتەوە.
ئاماژە بۆ ئەوەش كراوە، كاری ئەم هەفتەیە بریتیی بووە لە:-
1.قیرتاوكردنی شەقامی بەردەم هۆڵی ”شێركۆ فارس” .
2.قیرتاوكردنی شەقامی ”گوندی ڕازیانە” نزیك شاری مامۆستایان كە لە ماوەی دوو ڕۆژدا شەقامەكە تەواوكرا، بە نزیكەی یەك كیلۆمەترە.
3. قیرتاوكردنی شەقام و كۆلانەكانی گەڕەكی ”شێخ محێدین” پشت شەقامی سالم و بەردەم مەڵبەندی ئیشی دەستی سلێمانی.
4. چاككردن و نۆژەنكردنەوەی شەقامی ئەڵوەند لە گەڕەكی تووی مەلیك.
5.چاككردنی شەقامی بەردەم پڕۆژەی كوردستی.
6.چاككردنی شەقام و بەشێك لە كۆڵانەكانی گەڕەكی ئازادیی.
