بەڕێوەبەرایەتیی هاتوچۆی هەولێر هاوڵاتییان ئاگاداردەکاتەوە، بۆ ماوەی 90 ڕۆژ هەردوو سایدی هاتن و چوون لە شەقامی 30 مەتریی شارەکە دادەخرێت.
لە ڕاگەیەندراوێکدا هاتوچۆی هەولێر بڵاویکردووەتەوە، هەردوو سایدی شەقامەکە لە ترافیک لایتى ئەنجومەنى وەزیران نزیک کونسوڵخانەى فەرەنسا تاوەکو نزیک مزگەوتى حاجى حوسێن بۆ ماوەى 90 ڕۆژ دادەخرێت.
بەپێی ڕاگەیەندراوەکە، هۆکاری داخستنی شەقامەکە بۆ تەواوکردنی کارەکانی پڕۆژەى ستراتیژیی ئاوەڕۆى سندوقىی شەقامی 30 مەتری – 60 مەترییە.
هەروەها هاوڵاتییان و شۆفێران ئاگاداردەکاتەوە، کە دەتوانن شەقامی 60 مەتری بەکاربهێنن.
