کریستیانۆ ڕۆناڵدۆ لە ساڵی 2019 لە چاوپێکەوتنێکدا بە ڕۆژنامەنوسێکی وتووە تۆپی ئاڵتون نابێت بۆ مێسی ببێت.
تیدی مارشاند ڕۆژنامەنوسێکە لە ڕۆژنامەى لیکیپی فەرەنسی کتێبێکی دەرکردووە باسی هەندێ وردەکاری گفتوگۆی خۆی و ڕۆناڵدۆ دەکات.
دەڵێت: ساڵی 2019 چاوم بە ڕۆناڵدۆ کەوت و کەمێک گفتوگۆمان کرد، زۆر بە ڕوونی وتی نابێت تۆپی ئاڵتون بۆ مێسی بێت.
وتیشی: ڕۆناڵدۆ وتویەتی ئەگەر تۆپی ئاڵتون بۆ مێسی بێت واز لە یاریکردن دەهێنم و کۆتایی بەکاروانی وەرزشی دەهێنم.
مارشاد جەختی کردەوە لەسەر ئەوەى ڕکابەرییەکی توند هەیە لە نێوان ڕۆناڵدۆ و مێسیدا و بەردەوام ڕۆناڵدۆ چاودێری سەروەرییەکانی مێسی دەکات.
