پادشای بەریتانیا و هاوسەرەكەی لە شاری یۆرك لە باكووری ئەو وڵاتە هێلكەباران كران.
بەپێی ئەو دیمەنانەی لە تۆڕە كۆمەڵایەتییەكان بڵاوكراوەتەوە چوار هێلكە بە ئاراستەی شا چارلزی سێیەم و كامێلا-ی هاوسەری هەڵدەدرێت، بەبێ ئەوەی هیچكامیان بەر پادشا بكەوێت.
پادشا بەمەبەستی ئامادەبوون لە بۆنەیەك بۆ پەردەلادان لەسەر پەیكەری شاژنە ئەلیزابێس-ی دووەمی كۆچكردووی دایكی رووی لە شارەكە كرد.
دوای رووداوەكە كارمەندانی پۆلیس خۆپیشاندەرێكیان دەستگیركرد كە دروشمی “ئەم وڵاتە لەسەر خوێنی كۆیلە بونیادنراوە” دەوتەوە و پێشتر هێلكەكانی لە پادشا گرتبوو.
شا و شاژن لە شوێنەكە دوورخرانەوە، تۆمەتباری رووداوەكە لەلایەن كارمەندانەوە بۆناو ئۆتۆمبێلێكی پۆلیس پەلكێشكرا.
