به‌ڕێوەبه‌رایه‌تیی دابه‌شكردنی كاره‌بای كه‌لار، بنكه‌یه‌كی وه‌رگرتنی پاره‌ی كاره‌بای لەناو بازاڕی قەزاكە كردە‌وه و دەڵێت، “بۆ زیاتر كارئاسانیكردن و راییكردنی مامه‌ڵه‌ی هاوڵاتییانە”.
بەپێی راگەیەندراوێكی به‌ڕێوەبه‌رایه‌تیی دابه‌شكردنی كاره‌بای كه‌لار، هاوڵاتییان ده‌توانن سه‌ردانی ئه‌و بنكه‌یه بكه‌ن و رۆژانه تا كاتژمێر پێنجی ئێواره دەوامكردن لە بنكەكە بەردەوامدەبێت.
به‌ڕێوەبه‌رایه‌تیی دابه‌شكردنی كاره‌بای كه‌لار راشیگەیاندووە، هاوڵاتییان دەتوانن لەو بنكەیە كە دەكەوێتە ته‌نیشت به‌ڕێوەبه‌رایه‌تیی خانوبه‌ره‌ی میری لە گه‌رمیان، پارەی كارەبا بدەن و قەرزەكانی پێشوویان پاكتاوبكەن.
