وەزارەتی كارەبا بڵاویكردووەتەوە كە لەلایەن بەڕێوەبەرایەتیی كارەبای سلێمانییەوە دانیشتووانی بەرزاییەكانی قەیوان ئاگاداركراونەتەوە كە كارەباكەیان كراوەتە پریپەید.
بەپێی ڕاگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، كە لەلایەن بەڕێوەبەرایەتیی كارەبای سلێمانییەوە دانیشتووانی بەرزاییەكانی قەیوان ئاگاداركراونەتەوە كە كارەباكەیان كراوەتە پریپەید.
لە ڕاگەیەندراوەكەدا هاتووە، پێویستە بۆ كڕینی كارتی كارەبا و وەرگرتنی ئامێری (CIU) بۆ پڕكردنەوەی باڵانسی یەكەی كارەبا سەردانی ئۆفیسی كۆمپانیای (EDMI) لەناو كۆمەڵگەی بەرزاییەكانی قەیوان بكەن، بۆ ئەوەی بێكارەبا نەبن.
