حکومەتی هەرێمی کوردستان فەرمانی کارگێریی بۆ جێبەجێکردنی بڕیاری چارەسەرکردنی منداڵانی تووشبووی ئۆتیزم بەبێ بەرامبەر دەرکرد و بڕیارەکە چووە بواری جێبەجێکردنەوە.
بەپێی نوسراوێک کە واژووی بەڕێوەبەری گشتیی کارگێڕی و دارایی وەزارەتی تەندروستیی حکومەتی هەرێمی کوردستانی لەسەرە، بڕیاری ئەنجومەنی وەزیران بۆ چارەسەر و پشکنینی منداڵانی ئۆتیزم بێ بەرامبەر دەخاتە بواری جێبەجێکردنەوە.
نووسراوەکە ئاراستەی بەڕێوەبەرایەتییە گشتییەکانی تەندروستیی هەولێر، سلێمانی، دهۆک، هەڵەبجە، گەرمیان، راپەڕین و کۆیە کراوە بەمەبەستی جێبەجێکردنی.
