پیاوێکی تەمەن 61 ساڵی ئیندۆنیزی بۆ 88 هەمین جار ژیانی هاوسەرگیری پێکهێنا.
پیاوەکە بە کان ناوی دەبەن تەمەنی 61 ساڵە و دانیشتووی ناوچەی جاوەی رۆژئاوایە لە ئیندۆنیزیا، چیرۆکەکەی لەو کاتەوە دەستپێدەکات کە تەمەنی 14 ساڵ بووە و بۆ یەکەمینجار هاوسەرگیری کردووە.
کان دەڵێت، “هاوسەری یەکەمم تەمەنی دوو ساڵ لە من گەورەتر بوو، بۆ ماوەی دوو ساڵ بەیەکەوە ژیاین، بەڵام ئەو بەرگەی هەڵسوکەوتە خراپەکانی منی نەگرت و جیابووینەوە لە دوای ئەویش 86 جاری دیکە هاوسەرگیرم کرد”.
باسی لەوەش کرد، “ئەو ژمارە هاوسەرگیریەم کرد، بۆ ئەوەی خۆم لە گوناح بپارێزم، بەڵام من بە تێپەڕبوونی کات تەنها هاوسەری یەکەمم خۆشدەویست و دەمویست بگەڕێتەوە بۆ لام.
لە چەند رۆژی رابردوودا دوای تێپەڕبوونی زیاتر لە 55 ساڵ، کان هاوسەرگیری لەگەڵ هاوسەری یەکەمی کردەوە و کۆتایی بەو ژمارە هاوسەرگیریکردنە زۆرەی ژیانی هێنا.
