بڕیارە ئەمڕۆ، چوارچێوەی هەماهەنگیی شیعەکان کۆتا کۆبوونەوەی خۆیان بکەن و کاندیدی پۆستی سەرۆکوەزیرانی عێراق رابگەیەنن.
میدیاکانی عێراق بڵاویانکردەوە، چەند کاتژمێرێکی دیکە چوارچێوەی هەماهەنگی کۆدەبێتەوە و هەڵبژاردنی سەرۆکوەزیرانی داهاتووی عێراق لە قۆناغی کۆتاییدایە.
ئاماژەیان بەوەشکرد، چوارچێوەکە لەئێستادا بەدوای کەسایەتییەکدا دەگەڕێت، کە جێگەی مشتومڕێکی زۆر نەبێت و هەموو لایەک لەسەری کۆک بن.
بەپێی عورفی سیاسیی عێراق، پۆستە باڵاکانی وڵاتەکە بەمشێوەیە دابەشدەکرێن:
– پۆستی سەرۆکوەزیران بۆ شیعە دەبێت.
– پۆستی سەرۆککۆمار بۆ کورد دەبێت.
– پۆستی سەرۆکی ئەنجومەنی نوێنەران بۆ سوننە دەبێت.
