ئەمڕۆ پێنجشەممە نرخی هەر لیترێك بەنزین و گازوایل لە شاری سلێمانی 50 دینار دادەبەزن.
بەهمەن شێخ قادر وتەبێژی بەنزینخانەكانی سلێمانی بە تۆڕی میدیایی ئێستای راگەیاند، بڕی 50 دینار لە هەر لیترێك بەنزینی نۆرماڵ و موحەسەن و گازوایل كەمدەبێتەوە.
بەپێی وتەی بەهمەن شێخ قادر، بڕیارەكە لە ئێوارەی ئەمڕۆوە جێبەجێدەكرێت و هۆكارەكەشی گەڕاندەوە بۆ هەرزانبوونی سووتەمەنی لە بۆرسەی جیهانی، كەمبوونەوەی خواست لەسەر بەنزین لە ناوخۆدا و بوونی بڕێكی زۆری بەنزین.
لە ماوەی مانگێكدا ئەمە سێیەم جارە نرخی بەنزین كەمدەبێتەوە و بەپێی گۆڕانكارییە نوێیەكە، لیترێك بەنزینی نۆرماڵ دەبێت بە 925 دینار و لیترێك بەنزینی جۆری موحەسەن دەبێت بە 1125 دینار.
