پەیوەندیی هاوسەرگیریی ناجێگیر %50 مەترسییەکانی نەخۆشیی دڵ زیاتر دەکات

توێژینەوەیەکی نوێ کاریگەرییەکانی ژیانی هاوسەرگیری لەسەر تەندروستیی دڵ دەردەخات، بەپێی توێژینەوەکە ئەوانەی دڵخۆش نین لە پەیوەندییە هاوسەرگیرییەکانیاندا زیاتر مەترسیی نەخۆشییەکانی دڵیان لەسەرە.

توێژینەوەیەک کە زانکۆی (ییل)ی ئەمریکی ئەنجامیداوە، ئەو هاوسەرانەی دڵخۆشنین لە پەیوەندییەکەیاندا 50% زیاتر مەترسیی چوونە نەخۆشخانەیان لەسەرە بەهۆی تووشبوون بە جەڵتەی دڵ، هەروەها بەڕێژەی 67% زیاتر تووشی ئازارەکانی سنگ و بەتایبەت بەشی چەپی سنگ دەبن، بەراورد بە کەسانی ئاسایی.

توێژینەوەکە پشکنینیان بۆ هەزار و 500 کەس کردووە کە تێکڕای تەمەنیان لە 47 ساڵیدا بووە، بۆ ماوەی یەکساڵ لەگەڵ پشکنینەکاندا چاودێریی پەیوەندییەکانیان لەگەڵ هاوسەرەکانیان کراوە.

توێژەران دەڵێن پەیوەندیی ڕاستەوخۆ لەنێوان پەیوەندییەکی جێگیری هاوسەرگیری و تەندروستیی دەروونی و جەستەییدا هەیە.

بەپێی توێژینەوەکە لە هەر چوار ژنێک لە کۆی 10 ژن و هەر سێ پیاوێک لە 10 پیاو تووشی فشاری توندی کێشە خێزانییەکان دەبن لە ژیانی هاوسەرگیرییاندا.

بابەتی پێشتر

قوباد تاڵەبانی لە هەولێر لەگەڵ باڵیۆزی وڵاتاندا كۆبووەوە

بابەتی دواتر

دوو كەس بە تۆمەتی راوكردن لە گەرمیان دەستگیركران

بابەتی پەیوەندیدار
Total
0
Share