توێژینەوەیەکی نوێ دەریخستووە، ڕۆژانە لایەنی کەم خواردنەوەی یەک کوپ قاوە دەکرێت مەترسیی تووشبوون بە شکستهێنانی توندی گورچیلە (AKI) کەمبکاتەوە.
ئەنجامەکانی تویژینەوەکە لە گۆڤاری “Kidney International Reports”ـدا بڵاوکراونەتەوە و ئاشکرایدەکەن، ئەوانەی ڕۆژانە قاوە دەخۆنەوە، بە ڕێژەی 15% مەترسیی تووشبوون بە نەخۆشییەکانی دڵ و کێشەی خوێنبەرەکانیان کەمترە.
شیراگ پاریک پزیشک و توێژەری بەشدار لە تویژینەوەکەدا ڕایگەیاندووە، جگە لە شەکرە و نەخۆشییەکانی دڵ و نەخۆشییە درێژخایەنەکان، “دەتوانین کەمکردنەوەی ئەگەری تووشبوون بە شکستهینانی توندی گورچیلەش بۆ لیستی ئەو سوودانە زیادبکەین” کە کافایین بە جەستەیان دەگەیەنێت.
شکستهێنانی توندی گورچیلە بە حاڵەتێکی تەندروستیی مەترسیدار دادەنرێت و هەڕەشە لەسەر ژیان دروستدەکات.
