توێژینەوەیەکی نوێ کە 300 هەزار کەسی پێگەیشتوو لە بەریتانیا بەشدارییان تێدا کردووە، پەیوەندیی نێوان کەمیی ڤیتامین D کە بە ڤیتامینی خۆر ناسراوە، لەگەڵ مردن ئاشکرادەکات.
ئەنجامەکانی توێژینەوەکە ئاماژە بە پێویستیی ڕیوشوێنی پاراستنی تەندروستیی گشتی دەکات بۆ پارێزگاریکردن لە ئاستی تەندروستیی ڤیتامین D لای دانیشتووان، هەروەها پەیوەندیی نێوان کەمیی ڤیتامین D و مردن ئاشکرادەکات.
توێژەرانی زانکۆی ئەدیلاید لە باشووری ئوسترالیا، توێژینەوەیەکی هەڕەمەکییان لەنێوان 307 هەزار و 601 کەسدا لە بەریتانیا ئەنجامدا، بۆدیاریکردنی بەڵگەی زانستی سەبارەت بە پەیوەندیی نێوان کەمیی ڤیتامین D و مردن.
توێژەران هەڵسەنگاندنیان بۆ پێوانەکانی کەمیی ڤیتامین دی لە بەشداربووەکان و هۆکارە جینییەکانی دیکە و مردن کرد، هەروەها شیکارییان بۆ سەرجەم هۆکارەکان و بەتایبەتی کەمیی ڤیتامین دی کرد.
لە ماوەی 14 ساڵی بەدواداچوون و لێکۆڵینەوە لێی تویژەران گەیشتنە ئەو ئەنجامەی، مەترسیی مردن پەیوەندیی ڕاستەوخۆی هەیە بە کەمیی ڤیتامین Dیەوە، هەوەرها کاریگەرییەکەی زۆر زیاتر دەبێت لەو کەسانەی ڕێژەی ئەو ڤیتامینەیان زۆر کەمە.
