بەڕێوبەرایەتیی بەرگریی شارستانیی هەولێر، ئەمڕۆ یەکشەممە 6ی کانونی یەکەم ڕایگەیاند کە ئاگر لە پاڵاوگەیەکی نەوت کەوتووەتەوە و بەهۆیەوە پێنج کەس سوتاون.
لە ڕاگەیەنراوێکدا بەرگریی شارستانیی هەولێر ڕایگەیاند، “ئاگر لە پاڵاوگەیەکی نەوت لە لە ڕێگای گوێڕ بۆ گوندی قادریە کەوتەوە و بەهۆیەوە پێنج کەس سوتاون یەکێک لەوانە منداڵە و ڕێژەی سوتانەکەی %64 ە.
بەپێی ڕاگەیەنراوەکە، هۆکاری ئاگرکەوتنەوەکە لە ئەنجامی بەتاڵ کردنی سوتەمەنی بووە لە تانکەرەوە بۆ یەکێک لە خەزانەکانی پاڵاوگەکە و ئاگرەکە دوای گەیشتنی تیمەکانی بەرگریی شارستانی کۆنترۆڵکراوە.
سەبارەت بەو کەسانەی سوتاون بەمجۆرە ڕێژەی سوتانەکەیانی بڵاوکردووەتەوە:
هاولاتییەک تەمەن 34 ساڵ بەڕێژەی %10
هاوڵاتییەک تەمەن 33 ساڵ بەڕێژەی ،،%56
منداڵێکی تەمەن 8 ساڵ بەڕێژەی ،،%64
هاوڵاتییەک تەمەن 19 ساڵ بەڕێژەی %24
هاوڵاتییەک تەمەن 30 ساڵ بەڕێژەی %8
