ته‌رمى پیاوێكى 65 ساڵ له شه‌قامى مه‌وله‌وى دۆزرایه‌وه، به‌وته‌ى به‌ڕێوه‌به‌رى سه‌نته‌رى فریاكه‌وتنى خێرای سلێمانی، “به‌هۆی سه‌رماوه ڕه‌قبووه‌ته‌وه”.
سامان نادر، به‌ڕێوه‌به‌رى سه‌نته‌رى فریاكه‌وتنى خێرای سلێمانى به تۆڕی میدیایی ئێستاى ڕاگه‌یاند، “به‌یانى ئه‌مڕۆ پێنجشه‌ممه ته‌رمى پیاوێكى ته‌مه‌ن 65 ساڵ له شه‌قامى مه‌وله‌وى دۆزراوه‌ته‌وه و هیچ ناسنامه‌یه‌كى پێنه‌بووه”.
وتیشی، “ئه‌و پیاوه به‌هۆی سه‌رماوه ڕه‌قبووه‌ته‌وه و ته‌رمه‌كه‌شی ڕه‌وانه‌ى پزیشكى دادوه‌ری كراوه، تاوه‌كو توێكاریى له‌سه‌ر بكرێت”.
