یانەیەکی دیکە بەشداریکردنی لە مۆندیالی یانەکان مسۆگەرکرد، کە یانەی فلامینگۆی بەڕازیلی-یە.
یانەی فلامینگۆ لە یاریی کۆتایی جامی لیبەرتادۆریس بە ئەنجامی گۆڵێکی بێوەڵام لە ئەتلەتیکۆ پارانێنسی بردەوە، بەو ئەنجامەش وەک پاڵەوانی کیشوەری ئەمریکای باشوور “لاتین” سەرکەوتنی بۆ جامی جیهانی یانەکان مسۆگەرکرد.
بەپێی ئەنجامەکان تاوەکو ئێستا، یانەی ڕیاڵ مەدرید وەک پاڵەوانی ئەوروپا، ئۆکلاند سیتی وەک پاڵەوانی ئۆقیانوسیا، وداد کازابلانکای مەغریبی وەک پاڵەوانی ئەفریقا، سیاتڵ ساوندەرز وەک پاڵەوانی “کۆنکاکاف” سەرکەوتنیان بۆ مۆندیالی یانەکان مسۆگەرکردووە.
🏆🇧🇷 ¡CAMPEÓN DE LA CONMEBOL #Libertadores!
❤🖤 @Flamengo alcanzó el tricampeonato tras vencer a #AthleticoParanaense.
⭐⭐⭐ ¡Felicitaciones al #Mengão!#GloriaEterna pic.twitter.com/b5saNFqjEv
— CONMEBOL Libertadores (@Libertadores) October 29, 2022
لە ئێستادا تەنها براوەی کیشوەری ئاسیا و نوێنەری وڵاتی ڕێکخەری پاڵەوانێتییەکە ماوە بەشداریکردنیان مسۆگەربکەن.
تاوەکو ئێستا (فیفا) ناوی وڵاتی ڕێکخەری مۆندیالی یانەکانی ئاشکرا نەکردووە، هەموو ئەگەرەکان بە ئاراستەیەن مانگی شوباتی 2023 لە ویلایەتە یەکگرتووەکانی ئەمریکا سازبکرێت.
