وتەبێژی وەزارەتی ئەوقاف و كاروباری ئاینیی هەرێم ڕوونكردنەوە لەبارەی دیاركردنی یەكەم رۆژی مانگی ڕەمەزان دەدات و جەختیشدەكاتەوە پشت بەو پێشبینییانە نابەستین كە چەند فەلەكناسێك بڵاویانكردووەتەوە گوایە 23ی 3ی 2023 یەكەم رۆژی مانگی ڕەمەزانە.
نەبەز ئیسماعیل وتەبێژی وەزارەتی ئەوقاف و كاروباری ئاینیی هەرێم لە لێدوانێكدا بە تۆڕی میدیایی ئێستای ڕاگەیاند، لە وەزارەت لیژنەیەكی باڵای پسپۆر هەیە بڕیار لەسەر دیاركردنی یەكەم ڕۆژی مانگی ڕەمەزان دەدەن كاتێك نزیكبینەوە ئەو لیژنەیە بڕِیاردەدەن.
ئاماژەی بۆ ئەوەش كرد، “بڵاوكردنەوەی پێشبینییەكان كە لەلایەن چەند فەلەكناسێكەوە دەخرێنەڕوو پشتی پێنابەسترێت و كاری پێناكەین ئێمە لەگەڵ نزیكبوونەوەی ئەو وادەیە لیژنەیەكەمان كۆبوونەوە دەكەن و بڕیاردەدەن”.
