بارانی بروسكاوی لە هەرێمی كوردستان دەبارێت و لە چەند ناوچەیەك لێزمەباران دەبێت.
دەستەی كەشناسیی عێراق ئەمڕۆ چوارشەممە پێشبینییەكانی بۆ كەشوهەوای ئەمڕۆ و سبەینێ بڵاوكردەوە و ئاشكرایكرد، باراندەبارێت.
بەپێی راگەیەندراوی كەشناسی، لە 24 كاتژمێری داهاتوودا باران لە هەرێمی كوردستان و ناوچەكانی باكووری خۆرئاوا و ناوەڕاستی عێراق دەبارێت.
دەستەی كەشناسیی عێراق دەڵێت، “لە سبەینێ پێنجشەممەوە شەپۆلێكی نمەباران دەستپێدەكات و پلەكانی گەرما نزمدەبنەوە، لە هەردوو ناوچەی باكوور و ناوەڕاست نمەبارانی بروسكاوی دەبارێت و كەشی ناوچەكانی باشوور هەور دەبێت”.
جیاواز لە پێشبینییەكانی دەستەی كەشناسیی عێراق، سادق عەتییە شارەزای بواری كەشناسی پێشبینیدەكات بارانەكەی سبەینێ لە ناوچە شاخاوییەكانی هەرێمی كوردستان هەندێك كات بگۆڕێت بۆ لێزمەباران.
