شەش دوکانی چاککردنەوە و فرۆشتنی کەرەستەی ئۆتۆمبیلی بازاڕی حەسیرەکەی شاری كەركوك بە هۆکارێکی نادیار سووتان.
بازاڕی حەسیرەكە دەكەوێتە ناوەندی شاری كەركوك و نزیك لە قەڵایە، بەشێك لە شوێنكار و فرۆشگەكانی تایبەتن بە چاككردنەوەی ئۆتۆمبیل و فرۆشتنی پارچەی یەدەگی ئۆتۆمبیل، ماوەی چەند ڕۆژێك بوو وەك ناڕەزایەتییەك بەرامبەر بە بڕیاری ڕوخاندنی شوێنكارەكانیان لەلایەن حكومەتی خۆجێی كەركوك-ەوە، بەشێك لە دوكاندار و كاسبكاران خۆپیشاندان و گردبوونەوەیان ئەنجامدەدا و دیارترینیان خۆپیشاندانەكەی ئێوارەی ئەمڕۆ دووشەمە 7ی كانونی یەكەم بوو.
بە گوێرەی زانیارییەكانی تۆڕی میدیایی ئێستا، ئەمشەو 7ی كانونی یەكەم، شەش لەو فرۆشگا و شوێنكارانە سووتاون، بەڵام هێشتا هۆكاری ڕوداوەكە نادیارە.
