ئەمشەو یەکێک لە تۆمەتبارە سەرەکییەکانی “دزیی سەدە” لە کاتی هەڵاتنی بۆ تورکیا دەستگیرکرا
ئەمشەو دووشەممە، مستەفا سەنەد، ئەندامی لیژنەی دارایی لە ئەنجومەنی نوێنەرانی عێراق رایگەیاند، “عوسمان غانمی وەزیری ناوخۆی عێراق لە فڕۆکەخانەی نێودەوڵەتی بەغداد، نور موزەفەر یەکێک لە سەرەکیترین تۆمەتبارەکانی “دزیی سەدە”ی دەستگیرکرد”.
ئاماژەی بەوەش کرد، “تۆمەتبارەکە لە فڕۆکەخانەی بەغداد سەر فڕۆکە کەوتووە و ویستوییەتی بگاتە فڕۆکەخانەی ئەتاتورک لە وڵاتی تورکیا ، هەر لە ناو فڕۆکەکەدا دەستگیرکراوە”.
پێشتر ئەو ئەندامەی ئەنجومەنی نوێنەرانی عێراق زانیاری لە بارەی هەوڵی هەڵاتنی ئەو تۆمەتبارەوە بڵاوکردبووە و ئەمشەویش لە سەر بنەمای ئەو زانیاریانە دەستگیرکراوە.
