بریكاری پێشووتری وەزارەتی دارایی عێراق رایدەگەیەنێت، مووچەی مانگی دوو لە كاتی خۆیدا دەنێردرێت ئەگەر داهاتی ناوخۆ نەكرێتە گرفت.
د. فازڵ نەبی، بریكاری پێشووتری وەزارەتی دارایی عێراق رایگەیاند، ئەو رێككەوتنەی لە نێوان هەرێم و بەغداد كراوە زۆر باشە ئەگەر گرفت لەسەر داهاتی ناوخۆ دروست نەبێت و بە تایبەت ئەو بڕەی دیاریكراوە، لە ئێستادا حكومەتی هەرێم 51 ملیار دیناری داهاتی ناوخۆی رادەستی بەغداد كردووە.
بریكاری پێشووتری وەزارەتی دارایی عێراق جەختیكردەوە و وتیشی، “ئەگەر بەغداد لەسەر بڕی رادەستكراوی داهاتی ناوخۆ گرفتی نەبێت ئەوا مووچەی مانگی دوو لە كاتی خۆیدا دەنێردرێت”.
