عەلی حەمە ساڵح داوایەك ئاراستەی سەرمایەداران دەكات و دەڵێت، “ئامێرێکی مامۆگرافی بکڕن بەخوا لە دروستکردنی مزگەوت خێرترە”.
عەلی حەمە ساڵح ئەندامی پەرلەمانی کوردستان رایگەیاند، “کڕینی ئامێرێک بۆ نەخۆشخانەکانی تووشبووانی شێرپەنجە کە 50 هەزار دۆلاری تێدەچێت و ملیۆنان دۆلار خەرجی لەسەر حکومەت لادەبات و ملیۆنان کەس لە مردن رزگاردەکات، کەچی حکومەت دابینیناکات بۆیان”.
ئاماژەی بۆ ئەوەش كردووە كە ئەو ئامێرە بۆ دیاریکردنی تووشبوون بە شێرپەنجەیە لە قۆناغەکانی سەرەتای نەخۆشییەكەدا و “زۆر کات بەهۆی دیاریکردنی پێشوەختەوە، تووشبوو پێویستی بە چارەسەری قورسی نەشتەرگەری و کیمیاوی نابێت”.
ئەو پەرلەمانتارە داوا لە سەرمایەداران و خێرخوازان دەکات ئەو ئامێرە بۆ نەخۆشخانەکان بکڕن و دەڵێت، “بە خوا لە دروستکردنی مزگەوت و قوتابخانە خێرترە”.
