نووسەر و میدیاکارێکی بەناوبانگی بەریتانیا، هێرشی توند دەکاتە سەر ئێریک تین هاگی ڕاهێنەر و ئیدارە و هاندەرانی یانەی مانچستەر یونایتد.
پێرس مۆرگان، نووسەری ڕۆژنامەی “زە سەن” و پێشکەشکاری ناوداری بەریتانیا، لە ستوونێکدا هێرشی توندی کردووەتە سەر ئێریک تین هاگی ڕاهێنەری هۆڵەندیی مانچستەر یونایتد و هەموو ئەوانەی بەشداربوون لە پرۆسەی سووکایەتیکردن بە کریستیانۆ ڕۆناڵدۆی پۆرتوگالی.
مۆرگان نووسیویەتی، “ئەوەی سووکایەتی پێدەکرێت باشترین یاریزانی مێژوو و مانچستەر یونایتدە، پاڵەوانی وڵاتەکەی و ئەفسانەیە، تین هاگیش پێشتر یاریزانێکی گەمژە و ئێستاش ڕاهێنەرێکی گەمژەیە، کاتێک دەیەوێت لە بارەی دیسپلین و بەرپرسیارێتییەوە وانەیەک بە کریستیانۆ بدات، دێت سووکایەتی پێدەکات، ئەوەش گەورەترین بێڕێزییە لەلایەن مانچستەر یونایتد و ڕایەڵەی هاندەرانەوە بە مێژووی خۆیان و یاریزانێک دەکەن کە مێژووی بۆ نووسیونەتەوە، ئەو بێڕێزییە بەکۆمەڵەی بەو ئەفسانە دەکرێت، بەڕاستی جێگەی شەرمە.”
