قائیمقامیەتی سلێمانی لەبارەی فرۆشگای خوێندنگەکانەوە هۆشداری دەدات

قائیمقامیەتی سلێمانی هۆشداریی توند دەداتە فرۆشگای خوێندنگەکان و مارکێت و فرۆشگاکان ئاماژە بۆ ئەوە دەکات، “ڕووبەڕووی ڕێکاری یاسایی توند دەکرێنەوە”.

باوان عەبدولڕەحمان نوێنەری لیژنەی تەندروستیی قائیمقامیەتی سلێمانی لە ڕاگەیەندراوێکدا بڵاویکردووەتەوە، “ئەو خواردن و خواردنەوانەی رێگەیان پێدراوە لە فرۆشگای خوێندنگەکان بفرۆشرێن لەلایەن بەڕێوەبەرایەتی تەندروستییەوە ئاراستەی لیژنە هاوبەشەکان کراوە، بەدەر لەو لیستە هەر خواردن و خواردنەوەیەک بەخوێندکاران بفرۆشرێت، خاوەنی فرۆشگاکە رووبەڕووی سزا دەکرێتەوە”.

سەبارەت بەپاکەت و جگەرەی ئەلیکترۆنی وتوویەتی، لە رێگەی راگەیاندنەکان و لەلایەن لیژنە هاوبەشەکانی قائیمقامیەتی سلێمانییەوە، سەرجەم مارکێتەکان ئاگادارکراونەتەوە کە ڤایپ، پاکەت و جگەرەی ئەلیکترۆنی بە مێردمنداڵ نەفرۆشن، بەپێچەوانەوە شوێنەکە دادەخرێت و خاوەنەکەشی رووبەڕووی رێکارە یاساییە توندەکان دەکرێتەوە.

داواش لە دایکان و باوکان دەکات بەوریاییەکی زیاترەوە ئاگاداری منداڵەکانیان بن و لەکاتی هەبوونی گومان ئاگادارییان بکەنەوە.

بابەتی پێشتر

وەزارەتی ناوخۆ بۆ هاوڵاتییان: ئەگەر چەکی قورستان هەیە بیدەن بە حکومەت

بابەتی دواتر

لەیکەرز سێیەم دۆڕاندنی لەسەریەک تۆمارکرد

بابەتی پەیوەندیدار
زیاتر ببینە

شارەوانیی سلێمانی: كاركردن لە پڕۆژەی یەكتربڕی ئارام و ئەندەرپاسی فاروق نزیكدەبێتەوە لە قۆناغی دڵخۆشكەر

سەرۆكایەتیی شارەوانیی سلێمانی رایدەگەیەنێت، كاركردن لە پڕۆژەی یەكتربڕی ئارام و ئەندەرپاسی فاروق نزیكدەبێتەوە لە قۆناغی دڵخۆشكەر. بەپێی راگەیەندراوێكی…
Total
0
Share