هەواڵگریی عێراق دەستگیركردنی سێ “تیرۆرستی دیار” و دەستبەسەراگرتنی دوو حەشارگەی چەك و تەقەمەنی ڕادەگەیەنێت.
ئاژانسی هەواڵگریی عێراق لە ڕاگەیەندراوێكدا ئاشكرایكرد، لە درێژەی هەڵمەتەكانی چاودێریی چەكدارانی داعش بۆ ڕووبەڕووكردنەوەیان بە دادگا و وشككردنی سەرچاوەكانیان، لە چەند هەڵمەتێكدا سێ تیرۆرست دەستگیركران، دوانیان لە تاجی و سێیەمیان لە ناوچەی ئەبوغرێب-ی سەر بە بەغداد
ڕوونیشیكردووەتەوە، هێزەكانیان لە كەركوك دوو حەشارگەی چەك و تەقەمەنی داعشیان لە دۆڵی (ئەبو خەنجەر) و گوندی خربە عەزیز-ی سەر بە پارێزگاكە دەستبەسەرداگرتووە.
لەنێویاندا هەشت گولـلە هاوەنی عەیارە 60 ملیم و چوار تەقینەوەی دەستكردی ناوخۆ و چوار بۆمبی دیكە و گولـلەیەكی هاوەنی عەیارە 120 ملیم و مووشەكێكی ئاراستەكراو و چەندین كەلوپەلی دیكەی تیابووە، وەك ئەوەی لە ڕاگەیەندراوەكەدا هاتووە.
