(ڤیدیۆ) ناپۆلی له‌ ئۆڵیمپیکۆ سێ خاڵی له‌ ڕۆما داماڵی

ئه‌مشه‌و یه‌کشه‌ممه‌، یارییه‌کانی هه‌فته‌ی (11)ی خولی پله‌ یه‌کی ئیتاڵیا ئه‌نجامدران، یانه‌ی ناپۆلی یه‌که‌می ڕیزبه‌ندی بردنه‌وه‌ی به‌رامبه‌ر ڕۆما تۆمارکرد‌.

یانه‌ی ناپۆلی له‌ یاریگای “ئۆڵیمپیکۆ” بووه‌ میوانی یانه‌ی ڕۆما، یارییه‌که‌ به‌ ئه‌نجامی به‌ ئه‌نجامی گۆڵێکی بێوه‌ڵام له‌ به‌رژه‌وه‌ندیی ئه‌ستێره‌کانی لوچیانۆ سپالێتی کۆتاییهات.

گۆڵه‌که‌ی “پارتینۆپێ” له‌ خوله‌کی 80 له‌لایه‌ن ڤیکتۆر ئۆسیمینی نایجیری-یه‌وه‌‌ تۆمارکرا.

به‌پێی ئه‌نجامه‌ تۆمارکراوه‌که‌، ناپۆلی ژماره‌ی خاڵه‌کانی گه‌یانده‌ (29) و له‌‌ پله‌ی یه‌که‌می ڕیزبه‌ندیی یانه‌کانی خولی ئیتاڵیا به‌رده‌وام بوو، هه‌روه‌ها جیاوازییه‌که‌ی له‌گه‌ڵ ئه‌ی سی میلان گه‌ڕانده‌وه‌ بۆ سێ خاڵ‌، له‌به‌رامبه‌ردا یانه‌ی ڕۆما به‌ (22) خاڵه‌وه‌ له ‌پله‌ی چواره‌مه‌وه‌ بۆ پێنجه‌م دابه‌زی.