ئاسایشی سلێمانی باندێكی رفاندن ئاشكرادەكەن كە پەیوەندییان بە رفاندنی بازرگانەكەی سلێمانییەوە ھەبووە

ئاسایشی سلێمانی باندێكی رفاندن ئاشكرادەكەن كە پەیوەندییان بە رفاندنی بازرگانەكەی سلێمانییەوە ھەبووە و لە شاری كوت دەستبەسەر ئۆتۆمبێلێكی دزراودا گیرا.

بە پێی ڕاگەیەندراوێنكی بەڕێوەبەرایەتیی ئاسایشی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، هێزەكانی ئاسایش باندێكی رفاندن و دزیكردن كە لە دوو گروپ ( كورد ، عەرەب ) پێكهاتبوون ئاشكرادەكرێن و ئەندامەكانیان دەستگیركراون و رفێندراوێكیش كە بازرگانێكی دانیشتووی سلێمانی بوو كەمتر لە 24 كاتژمێر لە ڕێگای بەغدا – دیالە رزگاركراو بە خانەوادەكەی شادكرایەوە.

ئاماژە بۆ ئەوەش كراوە، “دوای ئەوەی رۆژی پێنج شەممە 13ی ئەم مانگە ھێزەكانی ئاسایشی سلێمانی ئاگاداردەكرێنەوە لە بوونی رووداوێكی تاوانكاری و رفاندن و دزی كە لە بەرەبەیاندا و كاتژمێر 4:20 چوار تاوەنكار بە جلوبەرگی سەربازی و بە ناوی ھێزەكانی ئاسایشەوە ھەڵدەكوتنە سەرماڵێك لە گەڕەكی ئاشتی لە سلێمانی یونس قادر ئەحمەد خاوەن ماڵ كە بازرگانە، ئازاری دەدەن و دەیڕفێنن و ئۆتۆمبێلەكەی كە لە جۆری لێكززە لەگەڵ بڕێك پارە و ئاڵتوون دەدزن و ھەڵدێن”.

لە ڕاگەیەندراوەكەدا هاتووە، دەستبەجێ ھێزەكانمان دەستیان بە لێكۆڵینەوە كرد و لەسەر بنەمای بەدواداچوون، سەرەداوی ورد دەستكەوت لەسەر ئەم رووداوە تاوانكارییە، ئاشكرابوو كە تۆمەتباران بەرە و بەغداد ھەڵهاتوون و لە سنووری ھەرێمی كوردستان نەماون، لەسەر پێشنیازی سەرۆكی دەزگای ئاسایشی ھەرێم ژوورێكی ئۆپەراسیۆنی ھاوبەش لە نێوان بەڕێوەبەرایەتیی ئاسایشی سلێمانی و ئاسایشی نیشتمانیی عێراق ( الامن الوطنی) پێكهێندرا و دوای ھەماھەنگی و رەزامەندیی دادوەر سێ تیمی ئۆپەراسیۆن جووڵەیان پێكراو بە ڕێكەوتن بۆ بەغداد ، دیالە و كفری كە بە ھاوكاریی ئاسایشی نیشتمانی عێراق لە دوو ھەڵمەتی جیا جیا و لەیەككاتدا ھەریەك لە ( ئ ، م ) و ( ھ . ی ) لە نزیك بەغداد و دیالە دەستگیركران و ھاوڵاتیی بارمتەكراو یونس قادر ئەحمەد یش رزگاركرا

ئاسایشی سلێمانی ڕاشیگەیاندووە، لە قەزای كفریش ھەمان رۆژ لەلایەن ھێزەكانمانەوە تۆمەتبار بە ناوی( م . م ) دەستگیركرا و ئەو ئۆتۆمبێلەشی تاوانەكەی پێئەنجامدرابوو دەستی بەسەرداگیراو ئۆتۆمبێلە دزراوەكەش دۆزرایەوە.

ئاسایشی سلێمانی ئەوەشی خستووەتەڕوو لێكۆڵینەوەكان چڕتركرانەوە هەینی ڕابردوو كە دەكاتە 14ی ئەم مانگە تۆمەتبارێكی تر لە سلێمانی بە ناوی ( ح . ع ) دەستگیركرا و دەستبەسەر جبەخانە و چەك و چەند جۆرێك جلوبەرگی سەربازییشدا گیرا و ھاوڵاتی ( یونس قادر ئەحمەد ) بە سەلامەتی بە خانەوادەكەی شادكرایەوە.

لە ڕاگەیەندراوەكەدا هاتووە، لێكۆڵینەوە بەردەوامبوون، زانیاریی نوێ بە دەستھات كە ئۆتۆمبێلێك لە جۆری توێۆتا كامری لە یەكێك لە نووسینەگەكانی بە كرێدان لە سلێمانی بەكرێ گیراوە و لەلایەن ھەمان گروپە دزراوە، دواتر دەستكەوتنی بەڵگە بە ھاوكاریی ھێزەكانی ئاسایشی نیشتمانیی عێراق رۆژی یەكشەممەی ڕابردوو 16ی ئەم مانگە لە كوت توانرا تۆمەتبارێكی تر بە ناوی( ع ، خ ) پەیوەست بە گروپە تاوانكارییەكە كە عەرەب بوو دەستگیركراو ئۆتۆمبێلەكەش دۆزرایەوە و بۆ خاوەنەكەی لە سلێمانی گەڕێندرایەوە.

ئاسایشی سلێمانی جەختدەكاتەوە، “ئاسایش و ئارامی و پاراستنی سەروماڵی ھاوڵاتییان وەك ئەركی سەرشانی ھێزەكانمان بە ئەمانەت و بەرپرسیارێتیی نیشتمانییەوە ڕایدەپەڕێنین لە بەرامبەر تاوانكاران و لە ھەر تۆمەتبارێكی یاساشكێن، سڵناكەینەوە ڕاپێچی بەردەم دادگایان دەكەین و ماف بۆ خەڵكی خۆمان دەگەڕێنینەوە”.

بابەتی پێشتر

(ڤیدیۆ) سیتی بە گوڕوتینی هالاند لە برایتۆنی بردەوە

بابەتی دواتر

دوای نۆ مانگ لە كوشتنی هاوژینەكەی و ناشتنی لە باخچەی ماڵەكەیاندا ئاشكرابوو

بابەتی پەیوەندیدار
زیاتر ببینە

بەڵگەکانی بەکارهێنانی کیمیایی لەلایەن توركیاوە ڕەوانەی ناوەندە جیهانییەكان دەكرێت

ئەو بەڵگانەی بەكارهێنانی چەكی كیمیایی لەلایەن هێزەكانی توركیاوە دەسەلمێنن، لەلایەن ‏كۆنگرەی نەتەوەیی كوردستانەوە ڕەوانەی ناوەندە جیهانییەكان دەكرێن.‏ زەینەب…
زیاتر ببینە

ستران عەبدوڵا: ئه‌وانه‌ی‌ داكۆكیكردن له‌ مافی‌ خه‌ڵك به‌ له‌تكردنی‌ كوردستان له‌ قه‌ڵه‌م ده‌ده‌ن، نازانن كوردایه‌تی‌ چییه‌

ستران عەبدوڵا رایگەیاند، ئه‌وانه‌ی‌ كه‌ داكۆكیكردن له‌ مافی‌ خه‌ڵك‌ به‌ له‌تكردنی‌ كوردستان و سیاسه‌ت دژی‌ كوردستان له‌ قه‌ڵه‌م…
Total
0
Share