بەرپرسی یەكەی 70ی هێزەكانی پێشمەرگە ڕایدەگەیەنێت، هیچ كاتێك پشتمان لە میللەتەكەمان نەكردووە و هیوادارم خەڵك بە ویژدانەوە سەیری خەباتی یەكێتی و خوێندكارەكانی مام جەلال بكەن.
لە ڕێوڕەسمی بەخاكسپاردنی فەریقی یەكەم نەوشیروان فوئاد مەستی لە گردی سەلیم بەگ لە شاری سلێمانی، مستەفا چاوڕەش بەرپرسی یەكەی 70ی هێزەكانی پێشمەرگە ڕایگەیاند، “سەرەخۆشی لە خانەوادەی كۆچكردوو نەوشیروان فوئاد مەستی دەكەین و لێرەشەوە هیوای چاكبوونەوەی خێرا بۆ ئاكام عومەر و بریندارەكانی دیكە دەخوازین”.
ئاماژەی بۆ ئەوەش كرد، “ئێمە هیچ ڕۆژێك پشتمان لە میللەتەكەمان نەكردووە و هیوادارم خەڵك بە ویژدانەوە سەیری خەباتی یەكێتی و خوێندكارەكانی مام جەلال بكەن”.
