بەڕێوەبەرایەتیی ئاسایشی سلێمانی دەستگیركردنی سێ كەسی بە تۆمەتی بەكارهێنانی ماددەی هۆشبەر ڕاگەیاند.
بەپێی ڕاگەیەندراوێكی بەڕێوەبەرایەتیی ئاسایشی ڕۆژئاوای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە و تێیدا هاتووە و لە درێژەی هەوڵەكانی هێزەكانمان لە بەڕێوەبەرایەتیی ئاسایشی ڕۆژئاوای سلێمانی، بۆ ڕێگریكردن لە بڵاوبوونەوەی ماددەی هۆشبەر و لەپێناو كۆمەڵگەیەكی تەندروستدا لە ماوەی چەند ڕۆژی ڕابردوودا لە سنووری بەڕێوەبەرایەتیمان بە بڕیاری دادوەری دادگەی لێكۆڵینەوە سێ تۆمەتبار بە تۆمەتی بەكارهێنانی ماددەی هۆشبەر دەستگیركران.
لە ڕاگەیەندراوەكەدا هاتووە، تۆمەتبارەكان كوردن و دانیشتووی قەزای بازیانن تۆمەتبارەكەی دیكە دانیشتووی قەزای چەمچەماڵە كە لە ئێستادا بەپێی ماددەی 30 لەیاسای بەرەنگاربوونەوەی ماددە هۆشبەر و كارتێكەرە عەقڵییەكان لە هەرێمی كوردستان ڕاگیراون.
