دوای ئەوەی ئێوارەی دوێنێ، ئۆتۆمبێلێكی تایبەت كەوتە ناو بەنداوێكەوە لە گوندی خەردس-ی سنووری ئاكرێ، ئەمڕۆ لەلایەن تیمەكانی بەرگریی شارستانییەوە دەرهێندرایەوە.
بەپێی وتەی خاوەنەكەی بە گەشتێكی خێزانی لە قەراغی بەنداوەكە بوون و ئۆتۆمبێلەكەی لە جۆری شۆفرلێت/ ئۆپترا راگرتووە، بەڵام بە ئاراستەی بەنداوەكە جوڵاوە و كەوتووەتە ناویەوە.
بەڕێوەبەرایەتیی بەرگریی شارستانیی ئاكرێ ئەمڕۆ رایگەیاند، لەلایەن تیمەكانیانەوە شوێنی ئۆتۆمبێلەكە لەژێر ئاو دیاریكراو و توانرا دەربهێندرێتەوە و، رادەستی خاوەنەكەی كرایەوە.
