دۆناڵد ترەمپ بۆچوونێكی جیاواز لەبارەی روسیاوە دەخاتەڕوو و چەكی ئەتۆمیی ئەو وڵاتە بە پاڵنەرێك بۆ دۆستایەتیكردنی ناودەبات.
دۆناڵد ترەمپ سەرۆكی پێشووی ئەمریكا، چەكە ئەتۆمییەكانی روسیا بەوە ناودێردەكات كە دەبێت ببنە پاڵنەری درێژكردنی دەستی دۆستایەتی بۆ ئەو وڵاتە.
ترەمپ لە لێدوانێكدا بۆ میدیای ئەمریكی كە تۆڕی هەواڵی سی ئێن ئێن بەشێكی بە تۆماری دەنگی بڵاوكردووەتەوە دەڵێت، رێككەوتن لەگەڵ روسیادا كارێكی باشە، چونكە 1332 “كڵاوەی ئەتۆمیی نەفرەتیی هەیە”.
تۆمارە دەنگییەكە بەشێكە لە دیداری ترەمپ لەگەڵ رۆژنامەی واشنتن پۆستدا و بەپێی وتەی بۆب ودواردی رۆژنامەنووس، لە ماوەی هەشت كاتژمێری گفتوگۆكردن لەگەڵ دۆناڵد ترەمپ سەرۆكی پێشووی ئەمریكادا، ناوبراو زانیاریی هەستیاری لەبارەی چەكەكانی ئەمریكاوە دركاندووە و بڕیارە لە دوو توێی كتێبێكدا بخرێنەڕوو.
