بەڕێوەبەرایەتی هاتوچۆی سلێمانی رایگەیاند، له‌كاتژمێر 11:30 پێشنیوه‌ڕۆی ئەمڕۆه تا كاتێكی نادیار سێ شەقامی سلێمانی داخراون.
بەڕێوەبەرایەتی هاتوچۆی سلێمانی بڵاویکردەوە، ” ئه‌مرۆ چوارشه‌ممه له كاتژمێر 11:30 پێشنیوه‌ڕۆوه تا كاتێكی نادیار سێ شه‌قامی سلێمانی داخراون، شۆفێران بۆ كاری زۆر پێویست نه‌بێت روو له‌و شه‌قامانه نه‌كه‌ن و ئه‌و شه‌قامانه به‌كارنه‌هێنن”.
ئاماژەی بەوەش کرد، “هه‌ردوو شه‌قامی سه‌ره‌كی (سلێمانی- ڕاپه‌ڕین)و (ڕاپه‌ڕین- سلێمانی) و شه‌قامی سه‌ره‌كی (باخی به‌ختیاری به‌ره‌و گه‌ڕه‌كی قلیاسان) چوار ریانی سه‌ره‌كی كه‌مپی كۆنی زانكۆی سلێمانی داخراون”.
ئاشکراشی کرد، “شۆفێران ده‌توانن ڕێگه‌ی هاتن و چوون له‌شه‌قامی قوله‌ره‌یسی به‌ره‌و راپه‌ڕین و به‌پێچه‌وانه‌وه به‌كاربهێنن، تا ئه‌و كاته‌ی هاتوچۆكردن له‌شه‌قامه‌كاندا ئاسایی ده‌بێته‌وه”.
