وەزارەتی خوێندنی باڵا و توێژینەوەی زانستی بڕیارێکی لەبارەی خوێندکارانی تازە وەرگیراو دا، بەپێی بڕیارەکە ئاسانکاری بۆ خوێندکارانی وەرگیراو دەکات.
بەپێی ڕاگەیەندراوێکی وەزارەتی خوێندنی باڵا و توێژینەوەی زانستی، خوێندکارانی تازە وەرگیراو دەتوانن لە هەر دادنوسێک یان بەڕێوەبەرایەتیی یاسایی کۆلێژ دەستەبەری وەرگرتن پڕبکەنەوە.
ئاماژە بەوەشکراوە، خوێندکاران و قوتابیانی تازە وەرگیراو لە قۆناغی یەکەم لەکاتی پەیوەندی کردن بە بەشەکانیان لەپێناو دروست نەبوونی قەڵەباڵغی بەهۆی پێشکەشکردنی (دەستەبەر/ کەفالە)، دەتوانن لە هەر دادنوسێک یاخود بەڕێوەبەرایەتیی یاسایی کۆلێژ، (دەستەبەر/کەفالە) پڕبکەنەوە.
وەزارەتی خوێندنی باڵا و توێژینەوەی زانستی ڕایگەیاندووە، ئەم پرۆسەیە دەکرێت بەردەوام بێت تاوەکو کۆتایی سمیستەری یەکەم.
