پێشنیوەڕۆی ئەمڕۆ ئاگر لە کەمپی شێخانی تایبەت بە ئاوارەکانی شەنگال کەوتەوە و چەند خێمەیەک سووتان.
ئەمڕۆ سێشەممە لە دەوروبەری کاتژمێر 11ی پێشنیوەڕۆ ئاگرێک لە ناو یەکێک لە خێمەکانی ناو کەمپی شێخان لە پارێزگای دهۆک کەوتەوە و بەهۆیەوە چوار خێمە بە تەواوی سووتان و زیان بەر ژمارەیەک خێمەی دیکەش کەوت.
لە دوای ڕووداوەکە تیمەکانی بەرگری شارستانی گەیشتنە شوێنی ڕووداوەکە و لە ئێستادا ئاگرەکە بە تەواوی کۆنتڕۆڵ کراوە.
لە ئاگرەکەی کەمپی شێخاندا هیچ زیانێکی گیانی نەکەوتووەتەوە و بەڵام زیانێکی ماددی زۆری بە دواوە بووە.
بە وتەی بەرپرسانی کەمپەکە، “تا ئێستا هۆکاری رووداوەکە نەزاندراوە، بەڵام پێشبینی دەکرێت بە هۆی شۆرتی کارەباوە بووبێت”.
