نەخۆشخانەی هیوا بڵاویکردەوە، تەنها دوێنێ یەکشەممە 40 حاڵەتی نوێی تووشبوون بە شێرپەنجە لە نەخۆشخانەکە تۆمارکراوە.
ئەمڕۆ دووشەممە نەخۆشخانەی هیوا بۆ چارەسەری تووشبووانی شێرپەنجە بڵاویکردەوە، “دوێنێ یەکشەممە هەزار و 29 کەس سەردانی نەخۆشخانەکەیان کردووە، سێ هەزار و 500 پشکنینی جۆراوجۆر ئەنجامدراوە، 40 حاڵەتی نوێی تووشبوون بە شێرپەنجە تۆمارکراوە و کۆدیان بۆ کراوە”.
ئاشکراشی کردووە، “257 نەخۆش لە قاوشە جۆراوجۆرەکان خەوێندراون، 85 نەخۆش لە بەشی فریاکەوتنی خێرا داخڵکراون، 205 نەخۆش پشکنینی تیشکی و ئیکۆ و سۆناریان بۆ ئەنجامدراوە”.
ئاماژەی بەوەش کردووە، “تەنها لە دوێنێدا چارەسەری کیمیاویی بۆ 143 نەخۆش ئەنجامدراوە”.
