تەقینەوەی پاشماوەی بۆمب لە گوندێكی سەر بە ناحیەی یایچی لە كەركوك گیانلەدەستدانی دوو منداڵ و برینداربوونی یەكێكی دیكەی لێكەوتەوە.
عامر نوری، وتەبێژی پۆلیسی كەركوك بە تۆڕی میدیایی ئێستای راگەیاند، بەهۆی دەستکاریکردنی پاشماوەی بۆمبێکەوە لەنێو زبڵدانێکی گوندی عادلیەی ناحیەی یایچی، تەقینەوەیەک روویداوە بەهۆیەوە دوو منداڵ گیانیان لەدەستدا و یەكێكی دیكەش برینداربوو.
وتیشی، منداڵەكان (فەرەح عەباس، دوعاء عامر و تەقوا عەبدولكەریم) قوربانییانی رووداوەكەن و تەمەنیان لەنێوان پێنج ساڵ بۆ هەشت ساڵاندایە.
بۆمبەكە لە پاشماوەکانی سوپای پێشووی عێراقە و كاتێك منداڵەكان بەدییانكردووە و دەستكارییان كردووە پیایاندا تەقیوەتەوە، وەك ئەوەی وتەبێژی پۆلیس ئاماژەی پێدا.
